Vi viser til handlingsprogrammet i Ruspolitisk handlingsplan og inviterer til samhandlingsmøte mellom kommunen og næringa for å sikre ein god dialog om sals- og skjenkeløyve og praksis i næringa. Løyvehavarane pliktar å delta.

Tid og stad

Stad: rådhuset, Valldal
Tid: tysdag 22. april klokka 12.00-13.00.

Tema for møtet

• Velkomen ved kommunedirektør
• Informasjon ved politiet - ved Renate Grande, politistasjonssjef/politikontakt for Fjord
• Om sal og skjenkekontroll - ved Magne Olav Strømme, Securitas
• Praktisk informasjon om saksbehandlinga i Fjord – ved saksbehandlar
• Tid til spørsmål

Plan og retningslinjer

Alkoholpolitiske retningslinjer er vedtatt av Fjord kommunestyre 26.03.25 med nokre mindre endringar sett i høve til førre utgåve. Ruspolitisk handlingsplan for Fjord kommune 2021-2024 er gjeldande. Ny ruspolitisk plan skal innarbeidast i den komande levekårsplanen. Temaplanar - Fjord kommune

Kurs om ansvarleg vertskap

Vi minner om at løyvehavarane pliktar å gjennomføre kurs om ansvarleg vertskap innan eitt år etter løyvetildeling, jf. Ruspolitisk handlingsplan.

Påmelding

På grunn av påska ønskjer vi påmelding innan 11. april.

Vi inviterer spesielt løyvehavarane og dei som er vara for løyvehavarane, men andre frå bedrifta kan også gjerne møte.