Då feiing og tilsyn er risikovurdert og behovsprøvd, kan huseigarar oppleve at vi kan feie eller gjennomføre tilsyn i ditt nabolag, men at vi ikkje er innom deg.

Fjord Brannvesen har no begynt å sende ut SMS med varsling om feiing og tilsyn. Vi opplever at mange reagerer på og vegrar seg for å svare på denne tekstmeldinga, då nummeret som vert oppgjeve i meldinga er både langt og ukjent. Telefonnummeret meldinga blir sendt frå er langt med mange tal. Dette er ikkje noko svindelforsøk, men ei melding frå datasystemet vårt. Vi har dessverre ikkje moglegheit til å endre dette telefonnummeret.  Meldinga ser ut som på biletet.

Skjermbilde av SMS-melding frå feiaren.

I meldinga får du to valmoglegheiter og kan svare med å taste 1 eller 2 som er følgjande alternativ:

1.      Tidspunktet passar. Vi har ein avtale!

2.      Tidspunktet passer ikkje. Eigar tek kontakt for ny avtale!

Når du har sendt inn svaret får du ei ny melding med helsing frå feiarane om at ditt svar er registrert. Så fort feiarane er ferdig med tilsynet får du ein SMS med bekrefting på dette, med ei lenke til «Min eigedom». Her får du opp relevant informasjon om din eigedom etter feiing eller tilsyn. 

Lenkje til Min Eiendom