Digitalisering av tenesta

Fram til no har følgjekortet vore eit fysisk og laminert kort i Fjord kommune. Det er veldig gammaldags og upraktisk.

Digitalisering er viktig for å heve kvaliteten på tenestene, og å gjere dei lettare tilgjengeleg for brukarane. Digitalt følgjekort gjev ein fleksibel tilgang for brukarane og enklare digital arbeidsprosess for dei tilsette, som no slepp arbeidet med å lage fysiske kort.

Fjord kommune skal innføre digitale løysingar som gjev gevinst både for innbyggarane og for tilsette. Digitalt følgjekort er ei løysing som er utvikla av KS, for å byte ut fysiske kort med digitale bevis som er tilgjengeleg på brukaren sin telefon.

Ynskjer du digitalt følgjekort ?

Utrulling av dei digitale bevisa skjer gradvis. Ynskjer du å erstatte følgjekortet ditt med digital versjon kan du sende ein førespurnad om dette til oss, du treng ikkje søkje på nytt.

Send førespurnaden din via eDialog , legg ved eit nytt bilde i JPG-format.

Les meir om ordninga på Fjord kommune, Helse og omsorgtenester